சவுதி அரேபியாவின் தெற்கு பகுதியில் கனமழை மற்றும் வெள்ளம்

சவுதி அரேபியாவின் தெற்கு பகுதியில் உள்ள ஆசிர் மாகாணத்தின் பல்வேறு பகுதிகளில் தொடர்ந்து கனமழை பெய்து வருகிறது. தற்போது மாவட்டத்தின் பல்வேறு பகுதிகள் வெள்ளத்தில் மூழ்கியுள்ளன. அபாஹா, அல்மஜாரிடா, தனுமா, ரிஜால் அல்மா, நமாஸ், தாரிப், தட்லிஸ், மஹைல், காமிஸ் முஷைத், அல்அம்வா, பல்லாஸ்மர், ஹைமா, பல்லஹ்மர் என அனைத்துப் பகுதிகளிலும் மழை தொடர்கிறது.

ஆசிர், நஜ்ரான், ஜிசான், அல்பாஹா மற்றும் மக்கா ஆகிய பகுதிகளில் மழை பெய்யும் என்றும் எச்சரிக்கையுடன் இருக்குமாறும் சிவில் பாதுகாப்புத் துறை ஏற்கனவே எச்சரித்துள்ளது. அபாஹாவின் வடக்கில் உள்ள பானி மாலிக் கிராமத்தில் இருந்து புகைப்படக் கலைஞர் ரஷூத் அல்ஹாரிசி எடுத்த வீடியோ சமூக ஊடகங்களில் வைரலாகி வருகிறது.